Ralhrang Nih An Tlaih Hnu Ah Aruak In An Hmuhmi PDF Pasaltha Cu A Hawi Le Nih An Vui.

Ralhrang nih An Tlaih Hnu Ah Aruak In An Hmuhmi PDF Cu A Hawi Le Nih An Vui.

Nov. 22,2021_CCN : Ralhrang nih mipi ralkap asimi PDF pakhat cu an tlaih hnu ah aruak in a hawi le nih an hmuh hnu ah an vui. Ram le miphun caah anunnak apetu PDF pasal upat nak sangbik kan in pek.

Credit : CCNC

(RELCHAP) (Note : A tanglei bik ah Tuni kan laipa Joshua Van Bawi Thawng tuni aa phomhnak video um lai. A phomh pi pa cu ceilak te bak a thongh) Vawleicung MMA organization ngan bik, UFC he pehtlaihnak a ngeimi Fury Fighting Championship 54 ah Joshua Van Bawi Thawng nih teinak a hmuh than. Joshua nih hin Second round dih lai te ah a thuatpi mi Chase Eastham cu TKO(Technical knockout) in a tei. Tutan hi professional MMA a luh hnu in voi 2 nak ah teinak hmuh than a si. Tuzing November 22, 2021 Fury Fighting Championship 54 prelims card ah Joshua Van Bawi Thawng le Chase Eastham hi Flyweight bout ah an i thua.

An i thuat hramthok ka in Joshua nih hin a dawi peng. Kickboxer tha Joshua nih hin round 1 nak dih lai ah tlu lak a thongh, Joshua nih a knockout rua a ti nain, round dihlainak ah second tlawngpal lawng a um caah referee nih fight a donghter lo. Chase aa hrim manh i, round 1 nak a dih ve colh. Round 2nak an thok in Joshua nih a dawi than colh. Joshua nih Chase a thluk hnu ah in a thuat chih nain Chase nih a ke in a rak ceh ve, nain submission game ah lut kho lo in a thlah than.

Round 2 nak a dih hlan ah Chase a baa cang, Joshua nih a nam chih peng caah a celh ti lo, Chase nih Joshua ke tlaih a timh nain, Joshua nih a rak thongh chih ca ah referee nih ‘a za cang’ tiah puai a donghter. Joshua nih Technical knockout in a tein, ‘Performance of the night’ laksawng zong a co. Joshua hi MMA amature ah voi 4 teinak a hmu i, professional MMA ah voi 2 teinak a hmu cang, voikhat hmanh a sung rih lo.

VIDEO  https://www.youtube.com/watch?v=wvH3YMcDG2c

Credit : The Chin Post