Pu Ngun Hu (tleicia) philhlonak ah a chungkhar nih Ks.2,200,000 man Concentrator HBDO ah an hluut.

Pu Ngun Hu (tleicia) philhlonak ah a chungkhar nih Ks.2,200,000 man Concentrator HBDO ah an hluut

Hope Blood Donor Organization (HBDO) riantuannak ah Pu Ngun Hu (tleicia) philhlonak ah tiin a chungkhar nih oxygen concentrator Ks.2,200,000 man an hluut tiah HBDO Founding Director Pu Cung Hu nih a facebook cahmai ah a langhter. Herh Bik Lio Caan Ah A Herh Bikmi Pek Chanhnak:

Hakha Dawrthar, Cherry lam sang khuasa, kan upat mi Saram Siibawi Pu Ngun Hu(Kum 86, tleicia) philhlonak ah a chungkhar nih Electric in hman mi Oxygen Concenrator Kyats=2,200,000/- man cu nihin ah a thilri in an rak kan hlut(10 Litter, USA). Pu Ngun Hu cu Zokhua ah a chuak. Minuntha taktak a si. A nunnak a liam hnu zong ah a nun thatnak cu midang nih kan run co rih. Naite a zawt lio ah hin ka sin ah Oxygen fa tete an rak kan hlaan. A zat hmanh aa zaa lo. Chim awktlaklote khi kan bawmh. Aman in tuak ahcun Kyats- 12,000/- mante khi a si.

Hi thilri (Oxygen Concenrator) hin minung tampi nih Nunnak co ko hna seh. HBDO-Hakha lawng ah a si lo. “Zokhua le HVCG zong pa khat veve in an hlut ve hna rih e,” tiah mi sin in ka theih +chap.

Pu Ngun Hu i a chungkhar rualchan vialte cung ah Pathian thluachuah cu letza in tlung ko seh. Upatnak chim cawk lo he,
Cung Hu, Founding Director HBDO-Hakha, August 04, 2021.

Credit : The Hakha Times