PDF Le Uico Ralhrang I Kahnak A Hnubik Thawngpang UPDATE.

Myaing,Pale PDF Fonh Ralkap Le Rallokap I Kahnak Ah Rallokap 14 An Thi July 18 le July 19 nihnih Chung Myaing,Pale PDF Hna Le Rallokap I Kahnak A Chuak, Rallokap minung 14 An thi

July 18 le July 19 nihnih chung ah Myaing(ၿမိဳင္),Pale (ပုလဲ),Zinmapin(ယင္းမာပင္) Mipi vengtu PDF hna le rallokap kahnak voithum a chuak i raallokap lei in minung 14 hrawng an thi tiah Myaing PDF nih thawng an thanh.

July 18 ni ah Myaing PDF, Pale (PDF) le rallokap i kahnak a chuak i rallokap minung 6 an thi.July 19 ah Myaing,Pale, Zinmapin (PDF) i bawm in an i kap than i Pallokap lei in minung 8 an thi, Pale PDF in minung pakhat a nunnak a liam.

Credit : The Chin Post

(RELCHAP) Ralhrang Rallokap 50 Hrawng Mindat Lei Ah An Kal.

Ralhrang rallokap hna cu Matupi peng,Chianpian khua in tuzing suimilam 5 hrawngah zalam pi in Mindat lei ah an kal tiah theih a si.

Ralhrang thazaang 57 cu nizaan July 19 zingah mawtaw 3 in Matupi in Mindat lei ah an kal.Lam pi ah lam a minh ruangah an ke in an kal i nizaan ah Chianpian khua ah an riak. CDF Matupi nih July 18 ah CNA/F le CDF Matupi dah lo hriamtlai dang Matupi ram chungah nan cawlcang kho lo tiah cathanh an rak chuah.

Credit : The Chin Post

(RELCHAP) Shwebo Peng Khuami 6000 Leng Ramlak Ah An Zaam

Ralhrang rallokap phu hna cu nizaan ah Sagaing ramthen Shwebo peng Palai khua, Tattoe khua, Kantayar , Konetan khua le Kunseih khua hna ah phan in khuami hna cu an kah hna caah cu ka khua mi cu um ngam lo in ramlak ah an zaam hna tiah a zaam ve mi chung in khuami pakhat nih a chim.

Nu pakhat cu sniper in an kah caah a nunnak a liam, meithahnak motor zong an lak tiah theih a si.”Palai ahcun rallokap nih umhmun an khuar,nizaan ah RPG zong an hman, inn pawl zong an hrawh,a tlawmbik inn li cu si lai” tiah khuami pakhat nih cun a chim.

Dalan nih cazin pek ning tein,inn zong mei in an duah, mei in khangh mi inn pawl cu NLD party chung in an si tiah a chim chap.

Rallokap an phanh caah khua mi an mah le an mah i bawm in, an hmuh khawh mi le an ngah khawh mi hriam hmang in khuami hna zong nih an mah le mah vennak caah an doh ve hna tiah theih a si.

Credit : The Chin Post