Mawtaw Aa Cit Ve Mi Nih An Chim Mi.

(A tanglei bik ah a video um lai) Tuni kan unau minung pa5 accident in an thih nak kong he pehtlai in Mawtaw a cit ve mi nih an accident ning an chim. Mawtaw a cit ve mi pakhat nih a chim ning ahcun an accident hlan deuh bak hin “mawtaw aa kawi ning cu a va dik lo ve” tiah a chim. Hi bia a chim khawh bak hin lam kikawi lam thlang lei ah an accident colh hi a si. Brake Fail ruang ah hi mawtaw hi a accident si lai tiah mawtaw aa cit mi nihcun an chim.

RIP : Kan Unau Minung Pa5 Mawtaw Accident Nak In An Nunnak A Liam.

A poi tak tak. Hi bantuk in kan unau Mizo cungah thihnak a tlung hi a poi tuk hring hran ko. Mizoram Aiduzawl mawtaw(pickup) cu a accident caah mawtaw aa citmi minung 5 an nunnak a liam i minung 13 nih hliam an tuar. Hi mawtaw chung i aa cit mi vialte hi Aiduzawl khua pin te i Rabung khua ah mithi vui dingin a kal mi hna an si.

Aiduzawl khua in Km3 lawng i hla simi Rabung khua ah Pu Mahera fapa ruak vui dingin mawtaw khat in an kal hna. Ruak vui dingin a kalmi hi bantuk in an mah lehlam an ruak vui a hau ko cu a poi tuk hring hran ko.

Mawtaw(Pickup) accident nak in a nunnak a liam mi hna cu 1.F.Laldinga 2.Lalsawta 3.Zahliri 3.Lalruatkimi Le 5.Zonunsangi hna an si. Hi bantuk in mi ngeihchiatnak hrawmpi dingin a kalmi an nunnak aliam hi cu a poi tuk hring hran ko. Bawipa nih mithi chungkhar hnem hram ko hna seh.

VIDEO  https://www.youtube.com/watch?v=qcHy3ilzHZ0

Source : MSN