MAH Caah Thawngpang Chia Tak Tak.

(MAH cu a mualpho thluahmah ko cang hih. Vawlei pumpuluk ram hruaitu hna nih hnu an chit tak thluahmah ko cang hih. Mah nih hin MAH an cohlang lo timi hi a fiang chin lengmang ko cang) ASEA-European Summit Ah Min Aung Hlaing An Pheu Hoi.

Nov 25-26, nihnih chung tuah dingo a voi 13 nak ASEA-European Summit ah ralhrangbu hotu Min Aung Hlaing cu an pheu, an sawm lo tiah theih a si. Ralhrangbu nih cun hotu bik min Aung Hlaing sawm loin ramkhel aiawhtu a si lomi, midang nan sawm hna caah meeting ah kan kai lai lo tiah an leh hna.

A voi 13 nak ASEA-European Summit cu Cambodea ah an tuah. Min Aung Hlaing sawm loin ramkhel aiawhtu a si lomi an sawmmi hi ralhrangbu nih cun nehsawh le zeirello a si ti phun in an i lak caah meeting an kai duh lonak hi a si. A voi 39 nak ASEAN Summit lio zongah ralhrangbu kuttang ramleng vuancizung i upa pakhat an sawm nain ralhrangbu cu meeting ah an rak i tel lo.

Tutan ASEA-European Summit zongah Min Aung Hlaing nan sawm lo caah meeting ah kan kai lai lo tiin intek tuanvo latu Cambodea cozah sinah ralhrangbu nih lehnak ca an kuat tiah Bangkok Post nih a tial.

Ralhrangbu hotu Min Aung Hlaing cu ASEAN Summit le China-ASEAN Summit zongah an sawm duh lo. Tutan he cun a voithumnak a si cang. Hihi vawleipi nih ralhrangbu cu an cohlang lo ti kha a langhter chin lengmang tiah ramkhel thiamsang hna nih an chim.

Credit : The Chin Post