Kan Laipa Hlasakthiam Sui Lian Nih A Phomh Bak Cang Ko Hih.

Tial Lian Thang cu kan Laipa hlasakthiam ngai ngai simi Sui Lian nih a phomh bak cang ko hih. Uar um law law khi si. Hi bantuk hrut tum hi cu phomh pah ding an si ko.

Evan ti zongin auh ti lo ding si. Tial Lian Thang ti si cang seh. US a phanh khawhnak a ruang zong hi US Laimi cheukhat nih khan rak chim hrin tuah uh. Kawl ralkap ruang ah pei refugee dirhmun a ngah i US tiang a phanh khawh timi hi rak thei seh. Cu lawng siloin Kawl ralkap an hrang tuk, an sual tuk tiah UN ah refugee a tuah caah pei US a kal khawhnak si ko cu mu. Mah pa nihcun dakaw kawl ralkap an sual nak ka hmu lo a ti ko cu, a sining aa theih lo ning cu aa. Kawl ralkap an sual tuk a ti ruang ahcun pei refugee a ngah i US a phanh cu, fiang tein rak chim hrin uh.

Cu lawng siloin Kawl ralkap sualnak a hmuh lo lio ah mipi sualnak tu a hmuh mi hrim hi huat a tlai kho tuk. Hi tluk in kum 60 an tuah mi vialte hna hi a thei ve loh maw si hnga. Hi tluk in nu tampi an tlaih hrem cangmi hna hi a thei loh maw. Hram hram in kan pi Suu Kyi te an tlaih mi hna hi an sual caah silo maw. Chim ding a tam tuk za rih seh. A tang lei ah kan Laipa Sui Lian nih a phomh nak hi van rel chih.

Mah ti hin Sui Lian nih a phomh, “Tial Lian Thang timi pa kha ka paam lai lo nain kan umnak a phanh tik ni cu biakinn tthutdan cheeh a tong lai rak phaan ti hrim hlahseh. Voikhatnak le voihnihnak ka ngaih thiam cang! Bible nih voi sawm sarih le voi sarih ngaihthiam ding in an kan cawnpiak ko nain voikhatnak i tthutdan in ka rak cheeh beeh lomi kaa ngai chih!

PS! Ka biak mi ka Pathian ka ngaithiam. Mah na fapa te hi a ning hngal tuk bia nan kan chiah ta mi Bible khi a lung fiang kho rih lo i teek tal in rak chep law tu lio cun na fa le kan i lawm ngai lai.”

Credit : Sui Lian