GoodNews: “WWSTF” Sinin Thawngpang Lawmum Tuk Bak Achuak!

Yangoon, Dawpung peng, Ciisuh(ကျည်စု) sang ah a um mi ralhrang thawngpetu, ‘dalaan‘ tiah theih mi nu pakhat cu nihin January 6, zing ah meithal in Walf Warriors STF(WWSTF) nih an kahthah tiah theih a si. “Kah a tong mi nu cu Ma Chu Ma tiah an auh. Zinglei 7:00 luan hrawng ah Dawpung Ah-lah-kah(အ.လ.က) (2) pawng ah meithal in an kahthah. A cheu nih voili an kah an ti, a cheu nih voiruk an kah an ti,” tiah khua mi pakhat nih a chim. Daw Khin San Lwin(Chu Ma) cu meithal kuan nih a lu (hnakhaw pawng)ah a khen i a thi colh tiah an kahnak pawng um mi sin in theih a si. A ruak cu ralhrang nih an rak lak i an kahnak hmun pawng hrawng lam cu an phih dih tiah a chim chap.

Anih hi ralhrang nih khinh mi rian a tuantu sanguk bawi he i bawm in, thawng petu a si. Sang chung ah mino hna ‘PDF an si’ tiah ruahdap in a puh hna i, mino cheukhat cu a zaam mi zong an um cang, ‘Dalaan’ hrimhrim a si ko tiah hlathlainak tling he kan fianh hnu ah kan kah mi a si,” tiah Walf Warriors STF(WWSTF)mi pakhat nih Mizzima ah a chim. Hi phu(WWSTF) nih hin a luancia January 4 ah khan Dawpung khua, meithat zung cu bomb in an rak puah cang.

Credit: The Chin Post!

Relchap Ding: 

Namkanh Kahdohnak Ah Ralhrang 5 Tluk Thi, Khuami Mizapi 6 Hliam Tuar!

Shan ramkulh, Namkanh khua pawngah ralhrang le TNLA nihin January 5 zaanlei suimilam 3 hrawngah kahdohnak achuak i ralhrang 5 tluk an thi tiah theih asi.

Zing suimilam 8:30AM hrawngah TNLA khuachung ah an lut, zaanlei ah kahdohnak afak, ralhrang 5 hrawng an thi, leng chuah ngam asi lo caah fianghliang in theih asi lo, lamcung ah ralhrang thi mi hmuh asi tiah khuami pakhat nih KTM ah achim.

Tuzing ah TNLA ralkap khuachung an luh caah ralhrang nih hriamngan in kahthlorh in an kah i kum 2 ngakchia telh in mizapi 6 hliam an tuar.

Nizaan Namkhan dawr ah ngunkhuai halmi TNLA ralkap 2 meithal in kahthah an si hnu ah nihin ah kahdohnak achuah hi asi tiah khuami nih an chim nain TNLA nih thawngfiang an thanhmi cu a um rih lo.

Credit: The Federal Times!

(Namkanh Kahdohnak Ah Ralhrang 5 Tluk Thi, Khuami Mizapi 6 Hliam Tuar! Shan ramkulh, Namkanh khua pawngah ralhrang le TNLA nihin January 5 zaanlei suimilam 3 hrawngah kahdohnak achuak i ralhrang 5 tluk an thi tiah theih asi. Zing suimilam 8:30AM hrawngah TNLA khuachung ah an lut, zaanlei ah kahdohnak afak, ralhrang 5 hrawng an thi, leng chuah ngam asi lo caah fianghliang in theih asi lo, lamcung ah ralhrang thi mi hmuh asi tiah khuami pakhat nih KTM ah achim Tuzing ah TNLA ralkap khuachung an luh caah ralhrang nih hriamngan in kahthlorh in an kah i kum 2 ngakchia telh in mizapi 6 hliam an tuar Nizaan Namkhan dawr ah ngunkhuai halmi TNLA ralkap 2 meithal in kahthah an si hnu ah nihin ah kahdohnak achuah hi asi tiah khuami nih an chim nain KNLA nih thawngfiang an thanhmi cu a um rih lo. Credit: The Federal Times!)