GOOD NEWS : KNU Ralkap Nih Ralhrang Sakhan A Biapi Ngaimi An Lak Khawh.

KNLA Nih Ralhrang Sakhan Pakhat An Lak Than, Kaphnih A Thimi An Tam.

Nov 22 zinglei ah khan Kayin ramkulh KNU Brigade-5 hmunhma chungah a ummi ralhrang Me Wine (မဲဝိုင်) sakhan cu KNU ralkap KNLA nih an lak tiah theih a si. Sakhan lak kahdohnak ah kap in a thimi an tam Khet Thit Media nih a tial.

Asinain hi kong hi KNU Brigade-5 nih fehternak an chim/chuah rih lo. KNU thawngthanhnak Thoo Lei nih cun Me Wine sakhan lak kahdohnak cu zinglei 8:00am in zalei 2:00pm tiang a rau. Kahdohnak hmunhma cu KNLA nih zanlei 6:00pm tiang zohfelnak an tuah. KNLA ralkap 10 an nunnak a liam i 7 nih hliam an tuar tiah a tial. Ralhrang lei a thimi an tam ve nain a zat langhter a si rih lo.

Credit : The Chin Post

(RELCHAP) (Note : A tanglei bik ah Tuni kan laipa Joshua Van Bawi Thawng tuni aa phomhnak video um lai. A phomh pi pa cu ceilak te bak a thongh) Vawleicung MMA organization ngan bik, UFC he pehtlaihnak a ngeimi Fury Fighting Championship 54 ah Joshua Van Bawi Thawng nih teinak a hmuh than. Joshua nih hin Second round dih lai te ah a thuatpi mi Chase Eastham cu TKO(Technical knockout) in a tei. Tutan hi professional MMA a luh hnu in voi 2 nak ah teinak hmuh than a si. Tuzing November 22, 2021 Fury Fighting Championship 54 prelims card ah Joshua Van Bawi Thawng le Chase Eastham hi Flyweight bout ah an i thua.

An i thuat hramthok ka in Joshua nih hin a dawi peng. Kickboxer tha Joshua nih hin round 1 nak dih lai ah tlu lak a thongh, Joshua nih a knockout rua a ti nain, round dihlainak ah second tlawngpal lawng a um caah referee nih fight a donghter lo. Chase aa hrim manh i, round 1 nak a dih ve colh. Round 2nak an thok in Joshua nih a dawi than colh. Joshua nih Chase a thluk hnu ah in a thuat chih nain Chase nih a ke in a rak ceh ve, nain submission game ah lut kho lo in a thlah than.

Round 2 nak a dih hlan ah Chase a baa cang, Joshua nih a nam chih peng caah a celh ti lo, Chase nih Joshua ke tlaih a timh nain, Joshua nih a rak thongh chih ca ah referee nih ‘a za cang’ tiah puai a donghter. Joshua nih Technical knockout in a tein, ‘Performance of the night’ laksawng zong a co. Joshua hi MMA amature ah voi 4 teinak a hmu i, professional MMA ah voi 2 teinak a hmu cang, voikhat hmanh a sung rih lo.

VIDEO  https://www.youtube.com/watch?v=wvH3YMcDG2c

Credit : The Chin Post