BREAKING NEWS : Ralhrang Nih Saikhun Khuami Pa4 An Thah Cang Hna.

Shwebo Peng Khuate Ah Alut Mi Ralhrang Nih Khuami Pakhat An Thah Sagaing ramthen,Shwebo peng khuate ah hnahnok ngai in ralhrang rallokap an lut i khuami pakhat an kahthah tiah theih a si.

Nizaan July 21 zaanlei ah Shwebo peng Kuansaih khua ah ralhrang mawtaw 5 in an rak phan i,ralhrang rallokap nihcun a zaammi khuami hna cu meithal in an kah hna.

“Ralhrang rual cu meithal thlah pah in an lut,tihphan ruangah khuami cu an tlizam hna,a tlizaam mi hna cu meithal in an kah hna i pakhat an i a nunnak liam tiah” khuami pakhat nih a chim.

Ralhrang nih an kahhna i an khenmi a nunnak liammi pa hi U Thin Tin a si a ruak cu tuzing ah lakkhawh a si tiah a chim chap.

July 18 zongah Shewbo peng Panhliang khua chungah an phan i ralhrang nih khuachung ah hnahnawhnak an tuah,thilri an fir,inn cheukhat an duah.Ralhrang luh ruangah a tlizaam mi Panhlaing khuami mipi hna cu atu tiang an i dup rih ko.

“Kunsaih khua in Panhlaing khua hi Km 3 hrawng a hlat,lamzawh hruaitu hna an herh hna caah khua pawnghrawng tiang an kawl hna nak hi a si,tiah” Panhlaing khuami pakhat nih a chim.

Khuachung ah hmunkhuar in ralhrang rual nih a zaammi khuami hna cu biakamnak tuah in khuachungah lut dingin an forhfial ko hna nain khuami nih an duh lo tiah theih a si.”Ralhrang rual nih lut ko u,zei tin hmanh kan in ti hna lai lo tiah an kan ti ko nain kan lut duh lo tiah” Panhlain khuami pakhat nih a chim.

Shwebo peng khuate ah a lutmi ralhrang nihhin July 18 zinglei zongah Saihkhun khuami 4 an thah cang hna.

Credit : The Chin Post