BREAKING NEWS: Ralhrang nih Pu Ral Hnin inn an chuh i ca an tar chap rih.

BREAKING NEWS: Kawl ralkap nih Hluttaw Palai Pu Ral Hnin inn an chuh, Chinram ah inn 4 an chuh cang hna. Chin Ramkulh Falam peng NLD Hluttaw Palai Pu Ral Hnin inn cu Kawl ralkap nih January 19 zing ah kan chuh cang, tiin ca an benh/tar.Aluancia 2021 October 30 lio ah Dr. Salai Lian Hmung Sang (Federal Affairs Minister-NUG) a inn (Hakha CHRO zung) zong an rak chuh.

Chin Ramkulh Falam peng NLD Hluttaw Palai Pu Ral Hnin inn cu Kawl ralkap nih January 19 zing ah kan chuh cang, tiin ca an benh/tar.

Cun, 2021 November 2 lio ah zong ah Hakha Cawbuk Sang um Rev. Van Cem in siseh, 2022 January 12 ah CNLD Hluttaw Palai Pu Siang Mang in (Hakha Cherry lam sang) zong an chuh.Kalaymyo peng Sanmyo um Pyithu Hluttaw Palai Daw Siami inn le Kalaymyo peng Hlaingthayar um Ramthen Hluttaw Palai Daw Thant Wai Kyaw inn hna zong an chuh hna, tiah kan theih. Source: The Hakha Times.

CDF-Zotung, CNA, YDF, PDF-Yaw, CDF-Hakha, CDF-Zophei, CDF-Matupi, CDF-Lautu, le CDF-Senthang hna i bawm in Ralhrang 18 an thah hna i CDF-Zotung in pakhat nunnak a liam ve.

Tlangcungmi Lungrualnak A Ṭhawng Tuk I Tukum Chungah Kan Tei Hrimhrim Lai: Tutan tluk in tlangcungmi lungrualnak a ṭhawn hi kan thei bal lo, cucaah cun tukum chung hrimhrim ah dohthlennak hi kan hlawh a tling ko lai tiah NUG Cozah Acting Prime Minister (vuancichoh) Mahn Win Khaing Than nih a chim. PM Mahn Win Khaing Than nih cun “Tukum cu kan hlawhtling ko lai tiah ka ruah. Harnak a ummi hna hi kan lonh khawh ding hi a biapi. Atu bantuk caan hi kan tong bal lo. Atu bantukin tlangcungmi lungrualnak a um zong hi kan thei bal lo” tiah Myanmar Now he biaruahnak ah a chim.  NUG zong nih tlangcungmi hruaitu hna he biaruahnak ngeih in hnatlaknak tuah dingah an i zuam peng, zeimawzat an hlawhtling fawn cang. NUG nih tlangcungmi hna he biaruahnak le ceihkhannak an tuah khawh caah tlangcungmi lungrualnak a ṭhawn hi a si. 

“Tukum hi kan luan lai lo. Mizapi zong an ba tuk cang. Caan a rauh tuk lonak dingah rianrang in lim dingah kan duh. Kan theih cio bangin kahdohnak ah kan hlawhtling deuh peng. Atu cu vanlawng in an kan kahnak hi zeitin kan tuah lai. Hi hna hi EAO nih ṭha tein ceihkhan a hau ding phun a si. Raldohnak vanlawng hi um hlah sehlaw fawi tukin kan tei cang hnga” tiah Mahn Win Khaing nih cun a chimchap. Atu i dohthlennak cu mizapi le Generation Z hna nih tuahmi a si. NUG nih cun lam lawng a hmuhsak hna. Dohthlennak a tak in a hlawhtlin khawh nakhnga NUG zong nih a si khawh chungin an i zuam peng ko tiah PM Mahn Win Khaing Than nih a chi fawn. Source: The Chin Post.