A Chim Mi Cu A Tha Kho Tak Tak.

Tinh le Timh. Proverb 29:18 ( Where there is no vision, the people perish. But he that keeps the law happy is he.)

Hlawhtlinnak: hlawtling kho ding cun Tinhmi ngeih hrimhrim a herh. Hmawhtlin timi cu kan i tlinhmi hmun phak. Kan I tinhmi thil va hmuh le ngeih khawh khi si ko. A si ahcun, tinhmi ngeih hrimhrim a herh tinak a si. Tinhmi ngeih lo in hlawhtlin ti aum kho lo.

Timhtuah: Timhtuah timi cu kan I tinhmi tlamtling kho ding in tuah le tuan khi a si. Thil pakhat i tinh tung i timhtuahnak ngeih tung lo ahcun tlam a tling kho hnga lo. Hlawhtlinnak ding caah dawnkhantu bik cu, hlawhtlin lo sual ding phannak le timhtuahnak ngeih lo hi a si.
Idea le ningcang: hlawhtling ding in kan i timhtuah tik ah ningcang tein i timh tuah a herh. Kaa timtuah ko tiin ningcang lo piin a ngah lo. Tahchunhnak ah, a caan lio a si ko caah Rung Lian Ceu le Biak Hmun Sang i paihnak kong in kan vun chim lai. Tanhhlei ngei in ka chimmi si lo.

Biak Hmun Sang nih aa tinhmi le timhtuahnak:

1. Rung Lian Ceu tei bak aa tim.

2. Champion si bak aa tim.

3. RLC he paihnak caan tha a hmuh mi a tlolh duh bak lo.

Aa timhtuah ning: 1. Rian a tuan i a tha a bat tuk zongah GYM kal aa hne tualmaal. 2. RLC tei khawhnak ningcang a kawl. RLC nih mi atei thawnnak kehlei vankhen in irunven a cawng.

3. Amah nih vatei nak ding phun li ka ngei a ti. A idea tha tuk. ( Idea can change your life)

( Aung Lah cu Rider nih ahngawng ah a reh i a sung. Brazil ram ah hngawng reh i phoih ning training an cawn ter. A voi hnihnak ah hngawng reh cu aa rungveng kho nain teinak kuat a cawn chih rua lo. A sung thiam. I ven lawng ngah lo. Attacking thiam bak herh ve.)
Rung Lian Ceu a sunghnak: champion a si cang caah timhtuahnak tampi a ngei ti lo. BHS nih akum in aa timhtuah lio ah zarhhnih lawng caan a lak. A mah nih interview ah caan tam deuh timhtuahnak ka ngei than lai i ka tei than ko lai tiah a chim. A doh dingmi BHS thancho le a hman dingmi paih kuat ruat loin teicia tuk in aa lak sual. A daithlang deuh kan ti lai cu.

Nihin ah kan i Tinhmi: Kawlram ah teinak hmu kho ding cun tei ka i tinh hrimhrim a herh. Kan I tinhmi tlamtling ding cun timhtuahnak tha taktak kan ngeih pin ah taksa le thlarau ah kan doh dingmi ral an hriamnaam an thazang, an dernak an thawnnak hngalh bak a herh. Timhtuahnak tha le hriamnaam tha lo cun ral kan tei lai lo.
Tinhmi kan ngeih nak nih:

1. Kan baat tuk caan zong ah ihnek khawhnak le zanghleicawi khawhnak lungthin a chuah pi.

2. Tha te le sullam ngei tein caan hman thiamnak a chuahpi.

3. Duhthim thiamnak a chuahpi i kan komh dingmi minung le kan hrial ding tiang a kan cawnpiak.

4. Hartuar khawhnak le lungthawhnak a kan ngeihter.

5. Kan chawva hman nak ding tiang a kan fian ter.
Note: Tinhmi ngei law timhtuahnak tha tein ngei. Hlawtlinnak le teinak cu ka hmai te ah a um ko. Credit : Tuan Peng Thang