CDF pasaltha hna le SAC Ralhrang karlak kahdohnak ah Ralhrang minung 5 an thi

Mindat Kahdohnak Ah SAC Ralkap 5 An Thi, Mipi Hriamtlai Kah Mi Hriamngan Nih Ralkap Hriam Chiahnak A Hrawh The Chinland Post  2023 June 5  Chin ramkulh, Mindat peng ah rian hmunhma thlennak a tuah lio mi SAC ralkap an kah hna i SAC Ralkap 5 an thi tiah CDF-Mindat nih a thanh.

May 28 ah rian hmunhma thlennak a tuah lio mi SAC ralkap pawl bomrap an puah hnawh hna i SAC ralkap tampi an i hliam, May 29 chun sml 2:30pm hrawng zong ah 20 Meters tluk aa naihnak in an kah hna i SAC ralkap 5 an thi, CDF-Mindat hriamtlai 1 aa hliam tiah theih a si.

Cun May 30 zinglei sml 7:00am hrawng ah Magway ramṭhen, Kyaukhtu khua lei in a rak ṭum mi SAC ralkap pawl CDF-Mindat nih an doh hna, SAC ralkap nih hriam an chiahnak sakhaan cu Rocket Missile in an kah i sakhaan a rawk tiah an thanh.

Yedashe Ah SAC Ralkap Thazang 70 Hrawng PDF Nih An Kah Hna, A Thi Mi An Tam The Chinland Post  2023 June 5 Bago ramṭhen, Yedashe peng ah thazang 70 hrawng SAC ralkap pawl PDF nih an kah hna i SAC lei a thi mi an tam tiah PDF phu pawl sin in thawng theih a si.

June 3 zaanlei sml 3:00pm hrawng ah Bago ramṭhen, Taungoo pengkomh, Yedashe peng, Kya-in-kone khua in a rak chuak mi SAC ralkap 70 hrawng cu Sedaw khua phungki sianginn an phak ah Taungoo PDF B3501, Company 3, 4, 6 nih an kah hna i kaphnih karlak kahdohnak a fak tiah theih a si.

Kahdohnak sml 2 hrawng a rau i SAC ralkap pawl an sungh tuk caah zaan sml 10:00pm hrawng ah Infantry 84 nih 120MM voi 3 an kah caah Kwaithe khua inn 3 a rawk i innkhat chung ah a um mi nufa 3 an i hliam tiah PDF phu pawl nih an thanh.