Timit kahdohnak thawngpang: Tuchun ah CNA le CDF nih SAC Ralhrang meithal zun 1 le zenkuan an laak, Ralhrang hi zat an thi ee

4 june 2023 Tuchun Hakha le Thantlang karlak kahdohnak kong kan theih khawh zat kan van langhter than. Tuchun cu Hakha khuhsilobo in Ralhrang nih an Miakpi cu Timit Lungkhar lei ah dong loin an kah thluahmah tthan tiah kan theih. Tuchun Timit a phanmi Ralhrang hna cu hmai deuh ah an hung fong i, kan pasaltha hna nih

biatak tein an rak tthuat hna caah Chin ralkap Sniper nih Ralhrang minung 3 cu thi bak an kah khawh hna. CNA le CDF Zophei nih SAC Ralhrang meithal MA zun 1 an laak khawh tiah kan theih. Cu hnu cun SAC Ralhrang hna cu hmai fong ti loin hnu ah an pil tthan tiah theih a si Ralhrang hna nih Vanlawng an auh i Vanlawg cu ruah lo pi in

Tuchun kha Timit lei ah a zuang nain bomb thla loin a kir tthan tiah kahdohnak hmun ah ai telmi pakhat nih a chim. Atutan Timit kahdohnak ahhin Chin ralkap lei in ai telmi hna cu CNA, CDF Zophei, CDF Thantlang, CDF Zotung, CDF Lautu le CDF Hakha tibantuk an si hna i adang kan hrelhmi zong an um kho tiah kan zumh. Cucaah biatak tein kan ralkap hna caah thlaza campiak an hau.

Bago Ramṭhen, Mu Peng Ah SAC Ralkap Hna Cawlcanghnak Ruangah Tualchung Mi 30,000 Leng An Zaam Cang! The Chin Post  4 Jun 2023 Karen ramkulh, KNU Brigade 3 hmunram, Bago ramṭhen, Nyaunglaypin pengkomh Mu peng ah SAC ralkap hna cawlcanghnak ruangah tualchung mi 32,000 leng ralhrial in an zaam cang, tiah KNU Central nih June 3 ah an thanh. SAC ralkap Khah Mah Yah 590 nih, Midaingtaw khua le Aungchantha khua ah a luancia May 29 lio ah khan hriamngan an kah pinah, May 30 ah Thasi khua le Kyiattat Nyuangpin khua cu hriamngan lung 10 nak tlawm loin an kah, tiah an langhter.

SAC ralkap hriamngam kah ruangah Thasi khua telh in khuate 5 in khuami 4,200 leng cu a himnak hmun ah an zaam hna, tiah theih a si. SAC ralkap nih Mu peng i kahdohnak an tuah ruangah May 10 tiang ah ralhrial in a zaammi 28,000 leng an phan cang i atu hi minung 4,000 leng an karh ṭhan, tiah KNU Central nih cun an thanh.

Ralhrial in a zaammi tualchung mi hna cu ruahkham muka, eidin le sii-ai an herh tuk. Kan si khawh chung in kan zohkhenh hna i, anmah bawmchan ding in ramdang mi bawmtu phu hna sin zong ah nawlnak kan tuahpiak hna, tiah KNU Central chungtel pakhat Padoh Saw Kale Se nih a chim. SAC ralkap nih nawlngeihnak an laak hnu in tanglei in kahdohnak an tuahmi le vanlawng in kahdohnak an tuah ruangah KNU hmunram chung ah ralhrial in a zaam mi cu minung sing li leng an phan cang, tiah theih a si.