Thawngpangttha Taktak: Tuchun Timit le Lungkhar kahdohnak ah, Chin ralkap pakhat ai hliam, SAC Ralhrang hi zat na thi ve

Lungkhar Kahdohnak SAC Ralhrang 7 Renglo An Thi Lungmili Post Pur 3, 2023 2023 June 2 Hakha le Thantlang kar Lungkhar lei kahdohnak a fah caah Hakha thar lei in SAC ralhrang nih hriamngan in an vun bawmh hna. Asinain Chin ralkap ttangtti phu nih Drone le ralkap thazaang in an nam chih ve hna caah ralhrang lei in 7 renglo an thih lai zumh a si nak kong cu

kahdohnak he naihniam um pakhat nih a chim. “Ralhrang hi hnu an kir dih le kir dihlo a fiang rih lo, Kanmah ralkap pakhat hliamhma a tuar nain a fak tuk lo. Ralhrang an thihnak zawn hi

fuh awk an tha deuh rih lo” tiah a cunglei upa nih a chim. Titta leikam zongah ralhrang nih nawr an timh hna nain Chin ralkap ttangtti phu nih Drone in an leh rulh hna. Mah ni kahdohnak ah Drone zeimaw zat an sung nain lampi cu phih khar khawh colh a si tiah kan theih.

CNA/CNF Chimnak Nawlngeitu Salai Htet Ni He Biaruahnak ( II ) The Lairam Times Biahalnak : East Chinland, Central Chinland, West Chinland hi hmailei kum 20/30 hnuah cozah Pakhat tangah a um kho te ding kan si hnga maw? Salai Htet Ni: Hihi cu cozah pakhat tang ah kan ti tikah International Border hi zoh ngai a hau mi khi a si. A rampi in

a vulei pi in ruah ding khi a si tik ah tu i vulei cung ramkhel sining cuanh tikah kha bantuk ramkhat le ramkhat miphun pakhat a tak in a tlamtling kho rih lo. Khi kum 20/30 timi cu ka chim kho lo. Kan nih pawl kan um ti lai le lai lo hmanh theih a si lo i, zei ti’n dah ramkhel a kal ning timi cung zong ah aa hngat te hnga. Kan ram hi nawlngeihnak kan ngeihmi cung tu ahhin zei ti’n dah pehtlaihnak ah kan thancho deuh khawh deuh lai ti ruah deuh zong a hau, kum 20/30 cu ka ruat kho lo.

Biahalnak: British nih hin zeiruangah Chinland hi hmunthum ah an then? na hmuh ning. Salai Htet Ni: Hihi cu British nih maw an kan then kanmah nih dah kan i then timi ka thei lo, asinain ka theihmi te kan nulepa sin in ka theihmi cu, zapi duhnak an lak, cheukhat nih Hakha lei ah ka tel duh, cheukhat nih Bangladesh lei ah ka tel duh, cheukhat nih Mizoram lei ah ka tel duh timi ah a vung kal, cu nih cun ramri ah a kan then, kan nulepa nih an duhnak an chimmi ruang zong ah a si caah cu nih cun a kan i then, British nih an kan then rua lo, kan pipu hna thangchiat a si lo, an chimmi ka theihmi le ka hmuh ning a si.