Hakha thawngpangthar: Timit SAC Ralhrang a phan mi hna nih an i timhtuah mi cu theih fian a si cang
3 June 2023 Tulio vawleicung kan buaipi cuahmah mi Hakha le Thantlang kar Timit ah a ummi Ralhrang nih an i tinhmi an biathli cu a zut caah theih fiang a si cang cucu an i tinhmi cu mahtihin an chim atu SAC Ralhrang Timit lei a ummi hna hi inung 150-250 kar an si tiah kan theih an i tinh bikmi cu Zophei tlang lei kalnak Lungkhar tlang khi pah khawh an si zuam i,
cun Khualhringtlang Khuafo lei kalnak Vankhamtlang khi pah khawh an si zuam tiah theih a si i Lungkhar lei an luh khawh cun Zophei tlang ah luh cuticun khuate kip cul hnu ah Thantlang luh an i tim, cun Van Kham tlang an luh khawh cun Khuafo ah Khualhringtlang khuate cul dih hnu ah Thantlang ah luh an i tim tthiam tthiam i,
an target bik mi cu Thantlang khua luh a si tiah kan theih cun Hakha le Thantlang kar hi anmah nih Camp hme tete tiah in control dih an i zuam tiah kan theih Thantlang ah siamrem tein an um khawh hnu in CNF Headquaters Victoria Base cu kan laak lai tiah an chim tiah theih a si cucaah atu tiang Jet Vanlawng siseh tanglei in 120 mm hi biatak tein an hman nak a si. Atutan cu an luh khawh lonak ding ah biatak tein mipi zong kan ttan cio a hau. Kan pasaltha tampi zong nunnak an pek cang.
India Ram Tlawnglawng Canghsualnak Ruangah Minung 280 Leng Nunnak Liam! The Chin Post 3 June 2023 India ram, Odisha ramkulh, Balasore district ah nizan June 2 zaanlei suimilam 7 hrawng ah khan tlanglawng canghsualnak a chuak i minung 280 leng an nunnak a liam pinah 900 tluk hliamhma an pu, nunnak a liam mi hi an karh kho, tiah ṭuanvo ngeitu hna nih an chim. Media cheukhat nih cun nunnak a liammi hi 300 an phan cang, tiah an langhter.
Khualtlawng tlanglawng pakhat cu lam ping ah kal sual in, tlanglawng lam cung ah a ummi khualtlawng tlanglawng dang pakhat le thilri phortu tlanglawng cu a pah hna ruangah fak ngai in tlanglawng cu an rawk i, minung 200 leng an thih colh pinah minung 900 leng hliam an pu. Hi canghsualnak ahhin Bengaluru-Howrah Superfast khualtlawng tlanglawng, Shalimar-Chennai khualtlawng tlanglawng le thilri phor tlanglawng pakhat hna an i tel, tiah India media hna nih an ṭial. Tlanglawng canghsualnak
a cannak hmun ahhin bawmchantu hna nih an zuanhnawh hna i, siibawi 30, palik 200 le ambulance 60 kan fial hna, tiah Odisha Chief Secretary nih a chim. Tutan tlanglawng canghsualnak hi India ram tuanbia ah kum 20 chung i a cangmi chiattonnak ngan bik pakhat a si, tiah railway minister nih a chim i, tlanglawng canghsualnak kong hlathlai ding in Investigation Team zong dirh a si lai, tiah a chim chap.