Thawngpangthar: Tuchun kahdohnak ah kan Pasaltha hna nih SAC Ralhrang Commander tel in Ralhrang hi zat an thi
KNU Brigade-5 Humhaknak Thla Khat Chung Kahdohnak Ah SAC, BGF Ralhrang Commander Hna Telh In 120 Leng An Thi Lungmili Post Pur 3, 2023 Karen National Union (KNU) Brigade-5 humhaknak hmun a luancia 2023, May thla (thla khat) chung lawng kahdohnak ah SAC ralhrang le an kuttang hriamtlai Border Guard Forces (BGF) Commander le Deputy Commander hna telh in 122 an thi, tiah KNU nih cathanh an chuah. May 1 in 31 tiang ah KNU Brigade-5 humhaknak Mutraw pengkomh hmunram chung ah
SAC ral hrang, an kuttang hriamtlai BGF ralhrang pawl le KNU Brigade -5 karlak ah kahdohnak a chuak, tiah theih a si. Hi thlakhat chung ah kahdohnak voi 200 tiang a chuak i SAC le BGF ralhrang pawl 122 an thi pin ah hliam a pumi 48 hrawng an si. Mah a thimi ralhrang chung ah Commander le Deputy Commander 7 an i tel, tiah theih a si. Cu pinah SAC ralhrang hriamthil le ei-din a chantu motor 6 kan hrawh khawh chih pin ah rang, khacer 6 zong kan thahpiak hna. Tualchung hriamtlai in
minung 2 nih ram le miphun caah an nunnak a pek i, 10 nih hliamhma an tuar, tiah cathanh an chuahmi ah an langhter. Hi thlakhat chung ah SAC le BGF ralhrang fonh nih mipi hna umnak hmun le rian an ṭuannak hmun cu tinh chih te in hriamngan kuan lung 59 in an kah hna caah mipi 1 a nunnak liam i 2 nih hliamhma an tuar, tiah theih a si. SAC ralhrang nih mipi tangka (Thailand tangka in) sing 280,000 le (Myanmar tangka) sing 100,000, phone 3, icom 1, vainam 3 hna zong an firpiak hna, tiah Karen National Union (KNU) nih cathanh an chuahmi ah an langhter chih.
Breaking News: SAC ralkap Jet Fighter nih Timit, Lungkhar tlang ah voi tam ngai bomb a thlak, tiah theih a si. Nihin June 3 suimilam 11:40 hrawng in 12:00 tiang ah SAC ralkap Jet Fighter nih Lungkhar tlang ah bomb a thlak. Bomb a thlakmi hi a tam ngaingai. Hakha khuachung zong a tlerh dih, tiah Hakha um mi pakhat nih The Chin Post ah
a chim.Atu Lungkhar lei Jet Vanlawng nih Bomb a thlaknak ahhin kan Ralkap lei in a thi le ai hliam an um le um lo theih khawh a si rih lo. Nizan zong ahkhan kahdohnak a faak tuk i, Hakha khua a ummi Ralhrang hna nih Miakpi in Lungkhar lei voi tamtuk an kah I cu ah cun CNA ralbawi Salai Naing Saw nih a nunnak a pek tiah kan theih. A poi tuk hringhran
SAC Ralkap 3 PDF-Zoland Sin Ah An I Fonh Lungmili Post Pur 3 2023 Chin ramkulh Tedim khua hrambunh SAC ralkap (269) in pakhat cu May 31 ah hriamngam he PDF-Zoland sin ah a rak i fonh tiah kan theih. A rak zam mi pa nih hin meithla Ma-1 zun 1, kuanbawm 4 le kuan 260 leng a rak i put chih caah PDF-Zoland nih
sing 50 tangka an pek hnu ah a himnak ah an thlah. Aluan cia May 13 ni zongah Tonzang khua ah umhmun khuar mi SAC ralkap (khah-lah-yah) 268 in Lah Min Aung le Myo Chit hna cu PDF-Zoland nih an rak tlaih hna hnu ah a himnak ah an rak hlat hna tiah kan theih.