NUG Nih Ralkap Battalion Thar 5101 An Dirh Thawngthan Nak An Tuah Hnu Ah Ralhrang An Thin Tur
Yangon ram then viar te ralhrang thazang tam deuh in a chap I um kal mipi chekhlai nak fak deuh in a tuah palik sakhan le chekhlai nak gate te pawl ralhrang thazang tam deuh in a chiah hna.
Tuzing ah dagon khuapi thar palik sakhan an va luh hnawh I an kah kawl ralhrang nih a hnu lei in an dawi hna an kah hna hi kah doh nak ah kap 2 thi le loh thawngpang theih khawh asi rih lo tiah theih asi.
NUG nih ralkap buthar battalion 5101 a dirh hnu ah kawl ralkap ralhrang hna cu bia takt e in ralring nak an ngeih I drone bomb tlak nak te hna phone line phih nak sehphun phun le thazang tam pi an I chap ti asi.
Bomb puah keh nak runven nak le um kal mipi hna chekhlai nak bia tak te in an tuah NUG nih thawngthan nak a tuah bak in a tu bantuk in yangon ram kulh chung vial te ralring nak a tuah I tim chia te in a um an thin phang ko ti hi a fiang ko tiah khuami pakhat nih cun a chim.
SAC ralkap le a bawmchantu dohnak Underground Movement (UG) lawng si tilo in, PDF taktak cawlcangh thawk ding ah in June 1 ni ah Yangon hrambumh a hmasa bik Battalion 5101 cu dirh a si cang tiah NUG nih thawngthanhnak a tuah cu a si.
NUG chimnak nawlngeitu Nay Phone Latt nih, “Battalion 5101 dirhnak a ruang ah atulio khuachung cawlcangmi, Underground Movement (UG) zeihmanh donhkhanhnak a um lai lo, UG zong pehzulh in a um peng ko lai, SAC ralkap nawlngeihnak le uknak a thawnnak khuapi deuh ah mah bantuk Battalion thar kan dirh” tiah a chim.
“Kan ral nih a uk (control) khawh mi khuapi deuh ahhin mipi ralkap (PDF) thawnter ding a herh. Atu ah, Bago, Mandalay, Ayeyawaddy, Yangon ah Battalion thar dirh a si cang. Mah battalion hi a tu dirh hram thawkka a si caah a herhmi timhtuahnak, training peknak, hriamnam kong ah kan buaipi lio i Khuachung kahdohnak cu ni le can nih lai a rel te lai.
A bik in Kan ral SAC tei khawh hi a biapi cem ko, SAC ralkap nih Mipi uknak a lak hnu in khuate lei kahdohnak a um. Khuapi chungah raldohnak a fak tuk leng rih lo. Nihin ah Khuachung tiang battalion a hun um cang. Dohthlennak hi a rannak in dih cang seh ti kan duh.
Khuachung cawlcanghnak NUG nih Battalion thar a dirh mi ah Dalan pawl fimtawl kho ding lam thar a ser a si ko. Khuachung Dalan fimhlawmnak mission hi palh lo ding hi a biapi nga” tiah NUG chimnak nawlngeitu Nay Pone Latt nih a chimchap.
Battalion 5101 a herh mi thilri cawknak ah “Yangon caah ceunak timi min in US $500,000 Fundraising cu June 1 ah an thok tiah theih a si. SAC ralkap nih Uknak hramhram a lak nu ah ramchung ah ah PDF Battalion 300 leng cu peng (Myo) 250 ah dirh a si cang tiah NUG nih a langhter