Poi Tuk Ee Tuzing Zing Suimilam 2:00 Am Ah Kawl Ralhrang Nih Bomb An Tlak An Kah Khua Mi A Tlawm Bik 7 An Nun Nak A Liam RIP

Kah doh nak zei hman a um lo hramhram in ral tuk nak vanlong in bomb an tlak an kah hi asi kawl ralhrang nih hin hramhram in kah doh nak a chuak nak hmun lawng si lo in a chuak lo nak hmun khua te zawng a tlak I a duh nak hmun poah bomb a tlak a kah.

Cu caah kan mipi kan him hrimhrim lo um kal I ralhring ngai ngai a herh ko kan theih cio bangin kan chin ram zawngah kah doh nak a chuak nak hmun lawng si lo in khua mi um nak kan khua te zawng hramhram in bomb an tlak an kah kawl ram pumpi hmun kip ti awk in an tlak an kah.

Nizan zan tim  June ni 2 zing lei suimilam 2:00 am ah kawl ralkap ralhrang nih shan ram kulh momeik peng khua te pakhat cu bomb a tlak a kah hi asi. khua upa pakhat nih cun kan him nak cio kan zam cio tik ah fiangin thawngpang kan I theih kho cio hna lo.

Zan tim zing lei 2 ah ral tuk nak vanlong in bomb a kah a tlak sianginn le siikhan a tlak hnawh sianginn he siikhan sii cawk nak sii zuar nak hmun mizaw piah nak hmun hi a naih te siangin cu lak awk um lo siikhan zawng a rawk ral dih.

Pawngkam um inn le lo zawng rawk dih khua mi cu mah le hmunhim kawl in kan zam, dih a tu tiang khua chung kan lut ngam rih lo phone chawh nak in kan khua thawngpang kan I theih ning ah cun khua chung ah kan I tantak mi lak ah khua mi 6 / 7 cu an ruak hmuh asi ti kan theih kan lung fak kan ngeih chia tuk.

Khua chung zawng ah kan lut ngam rih lo a thi mi khua mi hna zawng siining fiangin kan theih kho rih hna lo kan mah le him nak cio kan zam tik ah a ho te an si zawng kan theih fiang rih hna lo khua mi 7 nak tlawm lo an nun nak a liam tiah a chim hi asi. KTM