Zualko: Atunai te Timit kahdohnak ah SAC Ralhrang Miakpi ruangah CNA Ralbawi Salai Naang Sho nih a kan thih taak tthan ee
2 June 2023: Tuchun cu thawngpang chia lawngte kan theih tthan ee. Tuzing thawk in khan Hakha khuhsilobo in SAC Ralhrang hna nih Timit lei le Lungkhar lei cu biatak tein 120mm Miakpi in an kah thluahmah tiah theih a si i, CNA ralbawi minung pakhat a nunnak a liam e tiah theih a si. Hakha ummi pakhat nih a chimmi cu Tuchun Hakha khua in Lungkhar lei
an hei kah mi cu vokhat an kah ahhin a aw hi voi thum hna ai thei, voidang Ralhrang miakpi he ai lo ti lo a turu taktak khi a si. ram khat le ram khat an i do rua ti tluk khin tuchun Miakpi an kah cu a aw ai phundang khun, an kah mi bomb a tamtuk tiah a chim. Tuchun atunai te ah a thi mi CNA kan ralbawi pa hi a min ah Salai Naang Sho a si i,
amah hi CNA ah an bochan taktakmi a si lawng si loin amah hi Kanpetlet peng a si tiah kan theih. Ralhrang nihhin Timit lei laak khawh in Thantlang khua ah luh i Thantlang peng dihlak cul in inn khangh dih an timh caah hi tluk nunnak pek ngam in kan Pasaltha hna nih Timit lei ah ral an kham hi a si cucaah biatak tein thazaang chuah cio kan hau.
Dawei Peng SAC Ralkap Motor Bomb Puahhnawhnak Ah Ralkap 10 An Thi The Chin Post 2 June 2023 Tanintharyi ramṭhen, Dawei peng ah SAC ralkap motor bomb puahhnawhnak ah SAC ralkap 10 an thi, tiah Dawei PDF in ṭuanvo ngeitu pakhat nih Khit Thit Media ah a chim. May 31 zanlei suimilam 4:55 ah Dawei peng Kalingaung in Yephyu lei ah
a kalmi SAC ralkap motor 4 le Honda Fit motor 1 cu bomb lung 30 in PDF nih an puahhnawh hna. Bomb an puahhnawh hna hnu in kahdohnak minutes 15 hrawng a chuak. Motor mawngtu pakhat le motor pakhat cu meithal kuan nih a khen hna caah motor cu a taap. Hliamhma pumi hna cu Hijet motor 3 le Emergency motor 2 nih an laak hna, tiah Khit Thit Media nih a ṭial. Tualchung mi hna nih hliamhma pumi SAC ralkap pawl cu motor in an laak hna i, 407 Battalion lei ah an kalpi hna. Kahdohnak hmun pawngkam vialte cu sentari an cawngh dih. Hnakye khua lei a kalmi pa pakhat zong SAC ralkap nih an thah, tiah an chim.