Zualko: Tuchun Timit kahdohnak ah Bomb lamh sual in CNA pasaltha Salai ZP nih a kan thih taak tthan ee
News Update 2 June 2023 Tuzing Timit lei ah Bomb i lamh Sual nakin Kan Chin miphunpi Pasaltha CNA pakhat nih a Kan Liamtak than e. A mah hi India Ramchung Mizoram state, Bualpi khua ah khua asa mi an si nain Miphun caah tiin CNA ah a lutmi asi tiah kan theih. Miphun Adawt ruangah a nunnak tiang aliammi hi
lung afak tuk. Tuarzia Kan thiam lo a dawtmi a miphun hawi hna nih Upatnak Kan pek. Chungkhar hna, A hlei in Sunghno a nu ko kha Bawipa nih hnem in umpi hram ko seh mu. Chinram le miphun luatnak ding ca ah
minung zeizat lu pek dah a hauh rih lai Bawipa nih teinak kan pe ko sehlaw. Atu Timit kahdohnak ah kan Pasaltha hna nih teinak an hmuh khawh nakhnga biatak tein chawva phaisa pe hna usihlaw thlacamnak he bawm cio hna usihlaw.
Hakha Le Thantlang Kar Timit Kahdohnak Ah SAC Ralkap 27 An Thi – Salai Htet Ni The Chin Post 2 June 2023 Chin ramkulh, Hakha le Thantlang kar Timit kahdohnak ni li chung ah SAC ralkap 27 an thi, tiah CNA chimphuannak nawlngeitu Salai Htet Ni nih a chim. SAC ralkap pawl cu Hakha in Thantlang lei ah rallam an sial i, rallam an sial hlan ah Hakha, Khusihlubo tlang in SAC ralkap nih hriamngan in an kal nakding lam a venpiak hna, tiah theih a si. Ni li chung kahdohnak ah SAC ralkap 27 an thi i,
Chin ralkap lei in ralkap 12 nih ram le miphun ca ah an nunnak an pek. Kan ralkap pakhat hliamhma pumi an va chanhnak ah hriamngan kuan nih a tlak hna i, atu bantukin kan ralkap an nunnak a liam hi a si, tiah Salai Htet Ni nih cun a chim. SAC ralkap pawl cu hmun hnih in rallam an sial i khatlei in rallam a sialmi hna cu ralkap an dih cang. June 1 zinglei kahdohnak ah SAC ralkap meithal zun 2 le kuan zong kan laakpiak hna, tiah a chim. “Hakha le Thantlang kar a ummi CDF le CNA hi
kan ṭhio dih hna lai i, Thantlang kan sakhan ah ralkap thazaang kan chap lai tiin timhtuahnak an ngeih hi a si. Nikum zong ah atu bantuk rallam an rak sial cang nain an kan nam kho lo.” “Rallam a sialmi SAC ralkap pawl cu CNA, CDF Thantlang, CDF Hakha, CDF Zophei le CDF Lautu hna i bawm in kan kah hna. Rallam a sialmi SAC ralkap hi 150 hrawng an si i, Victoria Base lei panh in an ra nain an kan nam kho lai lo,” tiah CNA chimphuannak nawlngeitu Salai Htet Ni nih cun a chim.
Global Thau Khuahlun Nih Sing 1,300 Renglo Dih In Pe 40 A Sangmi Vailamtung An Phun The Chin Post 2 June 2023 Ramkip um Thau khuahlun mi hna nih MMK sing 1,300 renglo dih Thantlang peng Thau khuahlun ah pe 40 a sangmi vailamtung an phun. Hi vailamtung hi Construction Engineer Dawt Ṭha Hlei Par nih ṭuanvo lak in an phun mi a si. November, 2022 in an thok i June 1, 2023 ah an lim. Hi vailamtung cu Spain ram i vailamtung muisam lak in an tuahmi a si i aa dawh tuk hringhran. An dih hlan in
Mizoram lei zong nih an rak zoh len cang tiah kan theih. Hi vailamtung an phunmi kong he pehtlai in Global Thau Khuahlun Secretary Pi Rose Ngun Ṭha Chin (Denmark) nih a tanglei bantukin a chim. “Atu i vailamtung kan phunnak tlang ah 1972 ah khan Mizoram in Missionary pakhat a ra i Bawipa nih hi tlangah lung va phun a ka ti a ti i lung pathum a rak phun. Cu hnu cun thlacamnak tlangah hman a si. A hnuah Thau khuami Pu Za Al cu hi tlangah thla a cam i Pathian nih lung 12 a phunter ve.
Cuticun hi tlang hi Thau khuami nih Pathian sinah rai kan thawinak le thluachuah kan halnak ah a cang. Cucaah hi tlangah ahopaoh nih pehzulh in Pathian raithawi thlacamnak ah an hman i atulio i Thau khua ah aa dormi ralhrial tampi hna nih thazang laknak le lungdaihnak an hmuhnak hmun siseh ti kan duh caah tangka tampi dih in kan phunnak a si.