India nih Myanmar refugee le democracy duh, politician hi an bawm duh lo,
India nih Myanmar refugee le democracy duh, politician hi an bawm duh lo
Myanmar ralkap hna an bawm duh deuh,
India nih thil dang hrimnam an bawm chih Myanmar ralkap le India hi tuanti an si, democracy dirternak in thil duhnak hi India nih an ngai pawimawh deuh khi fiangtuk in alang ko e.
Kawlram chungMOCHA thlihrang tuar tiphun in ralkap an bawm, Lawngpi 3- ah thil tampi 19th May 2023 ah Myanmar ram chung ah phanter asi, mah thil hi MOCHA thlihrang tuar tiah min bunh asi ko hmanh ah, an thil phur chung ah zei dah an hmuh? Meithal tampi le kuan an phur chih tiah theih asi, India nih bawmnak an pek mi ah thil dang dang Lawngpi 3-ah phur in May 18, Thursday ah khan Yangon khuapi ah an phanter cang tiah theih asi.
Hi India Lawngpi Shivalik, Kamorta le Savitri pathum hna ah hin ei/din, medicine/sii, ti thianghlim, le adang tampi asi, India nih Myanmar ram an bawm mi hi mipi bawmnak ding ah tiah an ti ko hmanh ah, Myanmar ralkap hna kut chung ah phanterin an mah ralkap hna ca long long an pek pin ah, adang hna hi hriamnam le thil dang deuh khi asi, Amin ah mipi zangfaknak project tiin Myanmar, Yangon lawng idinnak hmunpi ah an phanter cang ti8ah theih asi.
May 19 Friday zong ah khan Lawngpi pakhat a phan than tiah India foreign Minister Subhramanyan Jaishankar nih amah Twitter-ah a tar lan ter fawn, vawlei hmun dang dang ah NGOs hna nih cun, Myanmar MOCHA thlipi tuar hna bawm ding in Myanmar Military council-nih sianh piak ding ah nawl an si, luhter an siang lai maw? theih asirih lo, Mipi lungrethei le bwam herhtuk mi an si cang lio ah, ralkap nih sianh piak a herh khi asi tiin, UN aiawh thawngpang thanhtu nih a chim.
Bawm an tim bik nak hmun hi Rakhine State-ah a si, ram chung luh sianhnak an hngah lio khi asi, atu dirhmun ah hin Rakhine State-ah NGOs dang dang hna nih Rakhine le Rohingya hna hi an bawm lio asi, Rakhine State-ah hin MOCHA thlipi ruang ah current le inbiak chawnhnak hna le oil hna an hrawh dih khi asi, a ran khawhnak chung in bawm an herh tiah UN Office-hna nih cathanh an tuah mi asi.
Thlipi tuar mi hna hi theidannak um lo tein bawm ding asi lio ah, Myanmar Military council sin ah luh sianh piaknak hal lio asi tiah UN Coordination of Humanitarian Affairs Office-a thawngthanhtu Pierre Peron nih achim, UNICEF le UNHCR-hna nih bawmnak an pek kong ah hngah lio asi, MOCHA thlipi a hrang hnu ah hin NGOs hna nih asi khawh chung in an cawlcang cawlh khi asi.
NGOs le midang bawmnak vialte hna hi atuartu tak tak sin ah phanter khawh siselaw athatuk ko hnga? Amah belte cu Myanmar Military council kut chung in an duh ning in thil an tuah mi cu a poi tak tak khi asi, Acoyah bawmnak ti bantuk hna hi ralkap kut long ah a lut fawn, atuartu tak tak sin ah tlawmtete long a phan tiah UN aiawh hlatthlaitu pawl nih atu bantuk in report a pek mi asi.