A poi tak tak lai hih! Myanmar ralkap sin ah hriamnam phih kong posrpone than asi,
A poi tak tak lai hih! Myanmar ralkap sin ah hriamnam phih kong posrpone than asi,
May 20, 2023 Member 193 telnak UN General Assembly-ah Myanmar ralkap hriamnam hren/phih kong ah, vote hmang in biachahnak ngeih ding asi, Sihmanselaw acan hi posrpone than asi, cu chung in hriamnam zeizat dah Myanmar ram ah a luhter manh laic him khawh asi lo, UN General Assembly president thawngpang thanhtu nih cun vote thlak ding can hi Tuesday kha asi nain postpone than asi caah zeitik dah vote lak asi lai theih khawh asi ti lo.
Vote lak asi ah cun Myanmar ralkap hriamnam pek/zuar tu hna hi hren/phih asi khawhnak ding ah, ram tampi nih an duh bantuk in vote nih a tei hrimhrim kan duh tiah report ah tarlan asi, An postpone nak chan cu supporttu tam kan duh ruang ah tlamtling tein ram hruaitu an kal khawh kan duh ruang ah postpone asi tiah a chim fawn.
Hi resolution tuah khawhnak ding ah hin Myanmar ram ah emergency lei siseh, Myanmar mipi lungawi lo nak ah an tuar ning siseh, Election lio mipi thim hruaitu hna kong ah siseh, Myanmar ralkap nih civil acoyah an chuh piak mi kong ah siseh, Ram chung thil tampi ah chiatnak long long asi cang pin ah mipi nih an tuartuk cang kong hna tlamtlinter khawh ding ah resolution pass ngei ngei an duh tiah UN aiawh nih cathan atuah mi asi.
Mipi nih an thim mi Daw Aung San Suu Kyi le Acoyah mi pawimawh tak tak mi hna cu, chuah zalonter cawlh ding ah nawlnak zong a tel, Ralkap nih hin November thla an ram thimnak ngeih cu, thil fel lo a um tiah civil nawlngeihnak lak piak kha asi, Election commission nih cun thimnak hi zeihmanh dik lonak a um lo tluangte in kan ngeih mi asi tiin a phuang ve bak mi kha asi.
February 1 hnu lei ah Myanmar ralkap kut ah sualnak ngei lo civil le politician minung 2000 leng an thi cang, ram hruaitu hna le mi dang thawng an thlak mi hi minung 20,000 leng asi cang fawn, Thawngpang la Media pawl zong minung zei maw zat thawng thlak asi fawn, Khua chung Social activist-hna nih ralkap kut ah athi mi zat hna hi anrak phuan mi asi.
Myanmar ralkap hna nih cun civil minung thi zat le thawng an thlak mi zat hna hi, Internet kal tlang in social media hna ah thanh post ti bantuk hna hi an khamh bak ko kha asi, cu bantuk tuk social media ah thawng thanh mi hna cu zei maw zat tlaih asi fawn caah, Hi resolution tuah mi hi pawm asi ah cun, Myanmar ralkap nih an ram chung ah, UN special envoy on Myanmar Schristine Schraner Burgener cu a duh can poh ah an ram tlawng/visit an sianh piak ding asi, Association of Southeast Asian Nations (ASEAN) biachahnak zong pehzulh ding ah hmalak asi lai.