G7 Summit-ah Modi Prime Minister Narendra Modi cu G7 ah tel ding ah Friday ah khan,
G7 Summit-ah Modi Prime Minister Narendra Modi cu G7 ah tel ding ah Friday ah khan,
Japanese khuapi a phan cang Quad hruaitu hna itonnak ah a tel fawn lai,
Vawlei ram lian hruaitu hna itonnak ah zei maw Idea tha tak chuahpi a tim ve tiah theih asi, Modi-a tlawng chuak nak ah hin ram pathum a tlawng fawn lai, Japan pin ah Papua New Guinea le Australia hna ah akal lai, mah ah cun vawi 40 leng mi dang he iton ding a ngei lai, Summit-ah hin ram hruaitu 30 hna zong a ton fawn lai tiah nawlngeitu report ah langhter asi.
“G7 ram hna he ruah ning hna an chim ti hna lai, vawlei nih harsatnak phun kip an ton lio mi hna le ram economy lei thanchonak ding kong hna zong ceih asi te lai, Hiroshima G7 Summit ngeih chung ah hin ram dang hruaitu hna he zong ibiakchawnhnak a ngei lai” tiin a tlawng hlan ah Modi nih hin a chim,“Atu G7 Summit-ah ka tel ding hi India-nih G20 president dirhmun a tlai lio kum asi fawn ruang ah, umzia ngei mi thil tampi a um lai tiah ati fawn.
Prime minister hi Airport ah Japanese le Indian nawlngeitu sang hna nih anrak dawn khi asi, Modi-hi Hiroshima khuapi ah May 19 le 21 chung ah vawlei ram dirhmun tha pasarih itonnak ah tel ding ah sawm asi, vawlei ei/din thancho ding le vawlei ram le energy security kong ah an ruah mi hna cu chim asi lai, G7 hna hi Japan, United States, United Kingdom, France, Germany, Canada le Italy pin ah European Union hna an si.
Japan lei in Port Moresby, Papua New Guinea a pan than lai, May 22-ah Prime Minister James Marape he Forum for India–Pacific Islands Cooperation (FIPIC) an phan hna lai, May 22 le 24 chungin Australia a tlawng fawn lai, Quad summit hi Sydney-ah ngeih ding asi, US President Joe Biden-nih Australia phan can postpone deuh asi ruang ah, Hiroshima ah nghah a si lai.
US, India, Australia le Japan in Quad hruaitu hna tuantinak dang dang an ceih hna lai, Technology, infrastructure tha deuh, vawlei huap ah ngandamnak, temperature sik le sa athlennak, tipi venhimnak le thil dang dang an chim hna lai, Modi nih Papua New Guinea a tlawng ding hi Indian prime minister chung ah tlawng hmasa bik ding asi.
“Pacific Island Country (PIC) 14-hna nih summit pawimawh, FIPIC-ah tel ding in sawmnak an pawm dih hi lawm um ngai ngai ati, FIPIC hi kum 2014-ah Fiji a tlawng tim ah dir asi, Australia-ah hin Modi-nih hin Australian Prime Minister Anthony Albanese a kawm fawn lai, Australia-ah hin chawlet pawl hruaitu le CEO hna pin ah Sydney-ah Indian um mi hna zong an ton fawn lai tiah theih asi.