Queen Elizabeth II vui/phumnak ah USD 200 million deng mang an dih,
Queen Elizabeth II vui/phumnak ah USD 200 million deng mang an dih,
20th May 2023 -Britain nih nikum September 19-ah Queen Elizabeth II vui/phumnak caah, tangka an dih mi cu, pound 162 (USD 200 ) million deng mang an dih tiah treasury nih a chim, Queen Elizabeth II hi ram cawisangnak tlamtling he vui/phum asi, kum 1965-ah prime minister hlun Winston Churchill vui/phumnak pahnihnak UK-nih state funeral a tuah thannak hmasa bik asi.
Kum 70 chung bak Britain Siangpahrang asi hnu, nikum September 8 ah khan kum 96 mi siin Queen hi a thi kha asi, ram pumpi ah ni 10 chung sun a si, September 19 ah khan London-ah Westminter Abbey-ah vui/phum asi, Nizan ah khan Parliament-ah Queen vui/phumnak adih mi hi report pek asi, department dang dang hna tangka hman ning zong report pek asi.
Home Office cu tangka hman tambik siin euro 74 million hma asi, department of culture, media and sport nih euro 57 million an hman fawn, Department of transport-nih euro 2.56 foreign, commonwealth and development office-nih euro 2.096 million le ministry of defence-nih euro 2.890 million dih asi, Northern Ireland office-nih euro 2.134 million, Scotland nih euro 18.756 million le Wales nih euro 2.202 million an dih fawn, Treasury chief secretary John Glen nih Treasury lei tangka a herhnak kip ah pek asi, Scotland, Wales le Northern Ireland acoyah tangka dih zat cu adih lak in chamh dih asi cang tiah tarlan asi.
Mizoram Siaha khua ah NUG acoyah theihpi in Myanmar ralzam hna caah school tuah asi,
20th May 2023 India, Mizoram, Siaha khua ah um lio Myanmar ralzam ngakchia hna caah Myanmar Refugee Committee, Siaha (MRCS)-nih May 19 ah khan NUG theihpi in cwannak school tuah piak asi tiah theih asi, School tuahnak hi May 19 Suimilam 3:00PM ah khan Siaha YMA Hall-ah ngeih asi, function-ah hin Myanmar ralzam ngakchia hna nu le pa pin ah, hruaitu pawimawh hna tel in minung 250 leng an kal hna.
School on nak ah hin Chin State PM hlun Daw Ni Sui Lian nih ribbon cep cat asi, Siaha khua ah hin Myanmar ralzam ngakchia minung 192 hna min record asi, May 22 in Myanmar tex book kilning in cawn piak asi lai tiah, Siaha- Myanmar ralzam school-ah an Headmaster mawhphurhnak tlaitu Dr. Peng Hmung Ling nih a chim.
Matupi township-ah thlihrang tuartu hna Military council-nih an bawm,
20th May 2023 Chin state-ah MOCHA thlihrang tuar Matupi khua le Lailenpi khua ah umnak Inn tampi achia khi asi, thlihrang tuartu hna le chiat tong bawmnak cu, May 19 ah khan Chin State Matupi State community Hall ah minung 500 leng an kal khawm hna tiah theih asi, Chin State, Matupi khua le Lailenpi khua ah thlihrang tuar Inn 170 caah Military council-nih ei/din le thil dang dang hna an pek tiah report asi.
Chin State CM Dr. Vom Suan Thang, Chief Defence (Army) Lt. General Tay Za Kyaw, Northwestern Regional Military Headquarters Major General Than Thaih, Matupi DCU Kyaw Ngeing, Matupi commander chief Colonel Min Zaw Tun, Matupi district EC member hna le Social Relief Association pin ah nawlngeitu mi dang dang hna zong nih an tel pi tiah theih asi.