Sunday news: A chiatnak sersiam Biaknak le Politices hi kalchihpi an thiam lo?! -Is.58:12

kawltunews April 16, 2023April 16, 2023

Biaknak le politics hi kal chih ning thiam a herh, Hindu le Muslim hna nih politics hmangin an Biaknak lian deuh deuh ter le fek ter chih hi an tim mi asi, Kan nih cu Biaknak le politics hi kalchih pi thiam lo in adang dang bantuk in kan ruahnak nih kan zatlang nun a hrawh tawn.

Biaknak lungphum cungah thu in politics/ram khelh hi tuah ding asi, politics kan luhchih rualrual in kan biaknak lei hi kan hlonh/paih daih khi asi tawn.

Biaknak lei le biaknak hi um lo selaw chun, buainak le thusen chuak hi atam ngaingai ko cang lai, nun derthawng in kan um fawn lai, Acoyah ruling party si zong ah anuam bak lai lo timi hi afiang.

Biaknak phung tel lo in Politics-lei ah kan dirhmun arak that deuh ah cun, Eihmuar/corruption hi duh tawh in alam kan hmuh cang ti bantuk phun in kan cawlcang tawn nih hin, kan ram miphun moral hrawhtu asi tawn.

Jesuh kha politician ropi tuk mi asi, a politics/ram khel ning cu- Siangpahrang/King hna nawlngeihnak cu atangah thumhter in, miphun a tlawm mi le sifak rethei aton mi hna cawi sang, rawltam khimter le dik lo ngai in chawva ngah mi hna cu, zeihmanh asi lozia theihter.(Lk.1:51-53)

Jesuh tel lo politices le mah umnak party mi asi lo ah cun, zeihmanh covo an ngah ter lo, Hi bantuk politics nih hin, opposition MLA le mipi hna cu jail tanter bantuk hi asi, zeitluk sifak rethei nan si ko hmanh ah, Politices party nan si lo ah cun an bawm duh hna lo, Cu bantuk politician cu van lei nih khin zeitin dah an ruah hnga aw…?!

Myanmar ram ah hin an Biaknak lei Budhish humhimnak ding ah Religious Minister adangte in an ngei ko kha mu! An biaknak lei thancho deuh deuh ding ah budget hna zong an chiah mi asi, Germany ah hin acoyah nih budget 12% cu Biaknak phu pawl caah chiah asi.

Kanram ah cun a hlan lio pi in politician kan si ah cun “Biaknak lei hi zei kan rel lo” Cu bantuk cun Politices le Biaknak hi kalpi chih kan thiaqm lo ruang ah, Chin miphun ceu ceu kan si ko, Sihmanhselaw kan kalnak adang ceu khi asi tik ah lungrual lonak chuahtertu asi tawn.

Kan biaknak lei ah kan politics lungphum kanphum ve lo caah, kan ram kal ning hi adang ceu in kar kan thlang khi asi, Cucu Biaknak, Politices, Society ah lungrual lonak le thancho lonak asi.

Jesuh tel lo biaknak le Politices kalchih thiam lonak nih hin ram adaw taktak lo timi hi alang, ram thanchonak ding ah development taktak an duh lo, Amah le an party mi le sa long long duhsaknak an ngei, cucu ram thanchonak dawnkhantu lian bik asi.

Fiji ram, Phillipines ram, Newzealand ram, Singapore ram, South Korea ram, Germany ram hna hi, Biaknak le politices an kalpichih lo lio ah khan an thangcho lo ngai kha asi, Ahnu ah Jesuh telnak biaknak le politices an kalpichih hnu ah cun, lungrualnak a um pin ah ram economy lei ah thangcho in, atu ah cun vawlei level ah Pathian nih lam a hruai tiah theih khawh asi, ram sersiam ding ah Pathian an au peng ko cang.

Politician, Party hruaitu hna, Khrihfa kan si bantuk in Biaknak le Politices kan kalpichih thiam hi arak pawimawh ngai ngai ko cang, kan ram le miphun damnak ding ah lam tha bik cem asi ko.

Abraham Lincoln-nih teinak an ngah lio ah khan “South pawl hi zeitindah nan ti lai?” tiah an hal South pawl nih akan doh ve lo e, dai tein an um ko lai tiin a leh, a chim bantuk in idoh lo in remdaihnak a um cawlh ko an ti, Vawlei ah ram hruaitu ropi bik asi.

#Rev.Vanlalzuata (Is.58:12)#