Matupi-Paletwa Lam Ah Riahcaw Chantu SAC Ralhrang Cu Mipi Ralkap Nih An Kah Hnaih Tamtak Tak An Thi!
Matupi-Paletwa Lam Ah Riahcaw Chantu SAC Ralhrang Cu Mipi Ralkap Nih An Kah Hnaih Tamtak Tak An Thi!
Matupi-Paletwa Lam Ah Riahcaw Chantu SAC Ralkap Kah An Ton Caah 12 An Thi
Chin ramkulh, Matupi peng Matupi-Paletwa lam ah riahcaw chantu SAC ralkap leilawng cu voi 3 tiang bomb puahhnawh an ton caah rakap 12 an thi, tiah Chinland Defence Force-Matupi nih cathanh an chuah.
Matupi khua hrambunh Khah Lah Yah 304 in Hteybuai sakhan ah ralkap thazaang le riahcaw chanh/pek ding in leilawng 3 le ralkap 80 tluk cu March ni 20 zing suimilam 10:00AM hrawng ah Matupi-Paletwa lam meng 6 ah voikhat, zanlei suimilam 1:00PM hrawng meng 7 le meng 8 kar ah voikhat le March ni 21 zing suimilam 9:30AM hrawng meng 9 ah voikhat bomb in kan puahhnawh hna, tiah an langhter.
Cu kahdohnak ah SAC ralkap 12 an thi i, hliamhma pumi an tam. Matupi-Hakha lam ah umhmun a khuarmi SAC ralkap sakhan in hriamngan in Matupi-Paletwa lam um Walipi khua lei ah an kah caah khuachung ah hriamngan a puak ko nain hliamhma a pumi an um lo, tiah Chinland Defence Force-Matupi nih an langhter.Thechinpost