Pekhon Peng Kahdohnak Ah SAC Ralhrang 20 Leng An Thi; Hriamnam Tampi An Lak Piak Hna
Pekhon Peng Kahdohnak Ah SAC Ralhrang 20 Leng An Thi; Hriamnam Tampi An Lak Piak Hna
Karenni ramkulh, Pekhon(ဖယ်ခုံ) peng ah SAC ralrang a ra mi hna cu tualchung mipi hriamtlai phu hna komh nih kan kah hna caah ralhrang lei 20 renglo an thi i hriamnam tampi zong kan lak piak hna tiah Pekhon PDF nih March 17 ah thanh ca an chuah.
March 16 ah kahdohnak hmun pakhat ah zohfelnak an tuah hnu ah ralhrang a thi mi hna sin in an hriamnam tampi an lak piak hna hi a si.
“Hi kahdohnak hi zarh khat tluk a rau, ralhrang lei a thi mi ruak cu zoh awk a tlak ti lo. An ruak char awk a tha mi 2 tu cu kan mah nih kan phum hna.”tiah KNDF tuanvo ngeitu pakhat nih a chim.
Hriamnam an lak piak mi hna hi 60mm bantuk hriam ngan mi pakhat le a kuan pin ah a dang hriam nam tampi zong an lak chih.
A luan cia March 11 lio zongah Pekhon peng ah kahdohnak fakngai a rak chuak i ralhrang 19 an thih pin ah a nung in 6 an tlaih hna i hriamnam zong tampi an lak piak hna tiah kan theih. Lungmili Post-Pekhon PDF, PS