ICC Nih Russia President Vladimirovich Putin Tlaih Dingin Warrant An Chuah

ICC Nih Russia President Vladimirovich Putin Tlaih Dingin Warrant An Chuah

Vawlei cung biaceihnak sangbik pakhat a si mi International Criminal Court (ICC) nih Russia President Vladimirovich Putin cu Ukraine ram cung ah sualnak a tuah mi kongah tlaih dingin March 17 ah Warrant an chuah tiah kan theih.

“Russia President Putin nih Ukraine ram sualnak ngei lo mipi le inn le lo cu timh ciam mam tein kahdohnak le thahnawnnak an tuah mi cungah tuanvo ngei tu bik a si pin ah Ukraine ram cheukhat an lak cia mi chung in ngakchia pawl cu hramhram in Russia ram ah phungning lo in an kuat mi hna kong ah a mah cu tuanvo ngei tu a si” tiah ICC biaceih bawi Piotr Hofmanski nih a chim.

Mah pin ah Russia ram ngakchia kongkau tawlreltu lutlai Maria Lvova-Belova zong Ukraine ngakchia pawl hna cu Russia ralkap sakhan pakhat ah hramhram in auh in a chia tu ah a mah hi tuanvo ngeitu bik a si nak kong le President Putin le Maria, mah hna pahnih nih nawl an buar caah tlaih dingin Warrant chuah an si nak hi a si’ tiah ICC biaceih bawi nih a chim. (Ref;ICC, BNN) – Lungmilypost